MO DEWJI KAVUNJA UKIMYA BAADA YA SIMBA KUTUPWA NJE CAF CHAMPIONS LEAGUE

Baada ya Simba SC kuondolewa na UD Songo ya Msumbiji katika michuano ya Ligi ya Mabingwa Afrika baada ya sare ya 1-1 uwanja wa Taifa (agg 1-1), mwekezaji wa klabu ya Simba SC, MO Dewji ameeleza kwa kina kuhusiana na alivyoyapokea matokeo hayo na wanasimba wasione tu yupo kimya.

“Wanasimba, mnisamehe kwa ukimya. Maumivu ya matokeo yametupata sote. Naomba tukumbushane: Sisi ni SIMBA! Simba lazima anyanyuke! Hawezi kukata tamaa, Niwaombe tusivunjike moyo wala kukata tamaa”>>> MO Dewji

“Hatutaogopa maneno ya watu na hatutaacha kupambana na kujipanga kwa ajili ya malengo yetu. Msimu huu tutautumia kikamilifu kuhakikisha tunaboresha mipango yetu ili msimu ujao turudishe furaha kwa Wanasimba wote, Tumwombe Mwenyezi Mungu atutangulie katika safari yetu endelevu. Tukumbushane tena: Roma haikujengwa kwa siku moja. Tuwe wavumilivu, tutafika tu Insha’Allah. 🙏🏽”>>> MO Dewji

Usikubali kupitwa na chochote kile tembelea App hii kila mara kupata Habari zote zinazojiri Tanzania na nje ya Tanzania katika Mapenzi na Mahusiano, Elimu, Ajira, Michezo, Maisha, Siasa na Burudani.