NYOTA WA SIMBA WALIOKUWA STARS WAIWAHI MTIBWA SUGAR

Wachezaji saba wa klabu ya Simba SC waliokuwa timu ya Taifa ya Tanzania 'Taifa Stars', wamerejea kikosini leo kuendelea na maandalizi ya mchezo wa ligi kuu ya Vodacom dhidi ya Mtibwa Sugar.

Simba itacheza na Mtibwa Sugar siku ya Ijumaa, mchezo utakaopigwa kwenye uwanja wa Uhuru Jijini Dar es salaam.

Wachezaji ho waliokuwa sehemu ya kikosi cha Stars kilichotinga hatua ya makundi kusaka tiketi ya michuano ya kombe la Dunia ni Beno David Kakolanya, Gadiel Michael Kamagi, Haruna Shamte, Mohammed Hussein, Erasto Nyoni, Jonas MKude na Hassan Dilunga.

Kocha Mkuu wa mabingwa hao wa Tanzania Bara Patrick Aussems amesema kurejea mapema kwa wachezaji hao ni habari njema kwa kikosi chake kuelekea mchezo dhidi ya Mtibwa Sugar.

Kiungo Francis Kahata anatarajiwa kuwasili leo wakati Meddie Kagere huenda akarejea siku ya Alhamisi ya keshokutwa.

Usikubali kupitwa na chochote kile tembelea App hii kila mara kupata Habari zote zinazojiri Tanzania na nje ya Tanzania katika Michezo, Magazeti, Mahusiano, Elimu, Ajira, Video, Audios, Tamthilia na Udaku.