TANZANIA YAFUZU MAKUNDI KOMBE LA DUNIA

Tanzania imesonga mbele katika hatua ya makundi kusaka tiketi ya michuano ya kombe la Dunia mwaka 2022 nchini Qatar baada ya kushinda kwa mikwaju ya penati 3-0 dhidi ya Burundi.

Mchezo huo wa pili baina timu hizo ulimalizika kwa sare ya bao 1-1 matokeo sawa na mchezo wa kwanza uliopigwa nchini Burundi siku tatu zilizopita.

Nahodha wa Tanzania Mbwana Ally Samatta aliitanguliza Stars kwa bao safi kwenye dakika ya 29 lakini Burundi walisawazisha kwenye dakika ya 45 kupitia kwa Fiston Abdul.

Baada ya dakika 90 kumalizika kwa sare ya bao 1-1, dakika 30 ziliongezwa lakini hakukuwa na mshindi licha ya majaribio mengi kufanywa na Stars langoni kwa Burundi.

Mkongwe Juma Kaseja aliokoa mkwaju wa penati wa Ngando Omary wa Burundi huku wapigaji wengine wawili wakipiga nje.

Penati za Tanzania zimefungwa na Erasto Edward Nyoni, Himid Mao Mkami na Gadiel Michael Kamagi.

Hongera Tanzania.

Usikubali kupitwa na chochote kile tembelea App hii kila mara kupata Habari zote zinazojiri Tanzania na nje ya Tanzania katika Michezo, Magazeti, Mahusiano, Elimu, Ajira, Video, Audios, Tamthilia na Udaku.