MATOKEO YA YANGA VS TOTO AFRICANS (MECHI YA KIRAFIKI)

Klabu ya Yanga SC imekamilisha mechi zake za kujipima nguvu katika kambi yake ya Mwanza kwa ushindi wa 3-0 dhidi ya Toto Africans jioni ya leo Uwanja wa Nyamagana Jijini Mwanza.

Ushindi huo umetokana na mabao ya mshambuliaji mpya, David Molinga ‘Falcao’ aliyefunga mawili dakika ya 37 na 41 na kiungo mpya pia, Mzanzibari Abdulaziz ‘Bui’ Makame katika dakika ya 48.

Na ushindi huo unafuatia sare ya 1-1 kwenye mchezo uliopita dhidi ya timu nyingine ya Daraja la Kwanza, Pamba SC Uwanja wa CCM Kirumba mjini Mwanza, bao la Yanga likifungwa na Molinga pia.

Baada ya mchezo huo, Yanga SC wanatarajiwa kupanda ndege kurejea Dar es Salaam tayari kuwakabili Zesco United Jumamosi wiki hii Uwanja wa Taifa katika mchezo wa kwanza wa hatua ya mwisho ya kuwania kuingia hatua ya makundi ya Ligi ya Mabingwa Afrika.

Kwa wiki yote hii Yanga SC wamekuwa mjini Mwanza kujiandaa na mchezo wa kwanza na Zesco United ambao viingilio vyake ni; Sh 100,000 Royal, Sh. 25,000 VIP A, Sh. 10,000 VIP B na C na 3,000 Orange, Blue na Green.

Usikubali kupitwa na chochote kile tembelea App hii kila mara kupata Habari zote zinazojiri Tanzania na nje ya Tanzania katika Michezo, Magazeti, Mahusiano, Elimu, Ajira, Video, Audios, Tamthilia na Udaku.