STARS DIMBANI LEO KUSAKA USHINDI DHIDI YA BURUNDI

TIMU ya Taifa ya Tanzania 'Taifa Stars' leo itashuka dimbani katika uwanja wa taifa katika mchezo wa marudiano na timu ya taifa ya Burundi ukiwa ni mchezo wa hatua za awali kusaka tiketi ya michuano ya kombe la dunia 2022 nchini Qatar.

Katika mchezo wa kwanza uliofanyika nchini Burundi timu hizo zilitoka sare ya kufungana bao 1-1.

Ushindi au matokeo ya suluhu ya bila kufungana kwa Tanzania, utatosha kuihakikishia Tanzania kucheza hatua inayofuata ya makundi.

Mashabiki wameaswa wajitokeze kwa wingi uwanja wa Taifa ili kuwaunga mkono Stars katika mchezo huo utakopigwa majira ya saa 10:00 jioni.

Viingilio vya mchezo, Mzunguuko ni Tsh 2000/- na VIP ni Tsh 5000/-, lengo ni kuhakikisha mashabiki wanajaza uwanja wa Taifa.

Nahodha wa Stars Mbwana Samatta amesema wamejiandaa na wana matumaini ya kupata matokeo ya ushindi kwenye mchezo huo.

Usikubali kupitwa na chochote kile tembelea App hii kila mara kupata Habari zote zinazojiri Tanzania na nje ya Tanzania katika Michezo, Magazeti, Mahusiano, Elimu, Ajira, Video, Audios, Tamthilia na Udaku.